Beynəlxalq İşəgötürənlər Təşkilatı

    
      1920-ci ildə yaradılmış Beynəlxalq İşəgötürənlər Təşkilatı (BİT) beynəlxalq səviyyədə əmək və sosial siyasət məsələləri ilə bağlı biznesi təmsil edən yeganə təşkilatdır. Bu gün dünyanın 139 ölkəsinin 146 milli işəgötürənlər təşkilatı BİT-in üzvüdür. 

   30 may 2005-ci il tarixdən Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) da Beynəlxalq İşəgötürənlər Təşkilatının üzvüdür.
      BİT-in missiyası beynəlxalq arenada, xüsusilə Beynəlxalq İşəgötürənlər Təşkilatı (BƏT) qarşısında işəgötürənlərin maraqlarını müdafiə etmək və yüksəltməkdir. Bu məqsədlə təşkilat çalışır ki, beynəlxalq əmək və sosial siyasət müəssisələrin fəaliyyət qabiliyyətinin artırılmasına, iş yerlərinin yaradılması və onların inkişafı üçün münbit şərait yaradılmasına təkan vermiş olsun. BİT həmçinin Beynəlxalq Əmək Konfransı zamanı BƏT-in İnzibati Şurasında və BƏT-lə bağlı başqa görüşlərdə işəgötürənlər qrupunun Katibliyi rolunu oynayır.
       Beynəlxalq İşəgötürənlər Təşkilatı dünyanın inkişaf etməkdə olan və bazar iqtisadiyyatına keçid ölkələrində işəgötürənlər təşkilatlarının yaradılması və onların imkanlarının artırılması istiqamətində aktiv fəaliyyət göstərir və çalışır ki, biznes həm beynəlxalq, həm də milli səviyyədə öz sözünü desin.  
      BİT bütün dünyanın işəgötürənləri arasında informasiya, fikir və təcrübə mübadiləsi aparılması üçün daimi vasitəçi kimi çıxış edir. Həmçinin işəgötürənlərin fikir və baxışlarının bütün BMT qurumlarına və digər beynəlxalq təşkilatlara çatdırılmasında BİT-in çox böyük rolu vardır.