ASK məlumat üçün bildirir ki, 16 oktyabr 2014-cü il tarixində Rusiya Federasiyasının Sankt-Peterburq şəhərinin nümayəndə heyətinin ölkəmizə səfəri çərçivəsində İqtisadiyyat və Sənaye Nazirliyinin dəstəyi və Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Bakıda Azərbaycan-Rusiya Biznes Forumu keçiriləcəkdir.

Biznes forumda iqtisadiyyatın müxtəlif sahələrini təmsil edən 15-dək Rusiya şirkətinin iştirakı nəzərdə tutulur.

Sizi Bakı Biznes Mərkəzində (ünvan:Neftçilər pr-ti, 32) keçiriləcək forumda iştiraka dəvət edirik.

İştirakçıların qeydiyyatı saat 10:30-da başlayacaqdır.

Sözügedən tədbirdə iştirak edəcəyiniz təqdirdə vaxt məhdudluğunu nəzərə alaraq, qısa müddət ərzində şirkətinizi təmsil edəcək şəxsin adını, soyadını və vəzifəsini bizə bildirmənizi xahiş edirik.

Əlavə məlumat üçün ASK-ya müraciət edə bilərsiniz.

         Əlaqələndirici şəxs: Nurlana Həsənova

         Tel: (012) 465 72 43

         E-mail: nhasanova@ask.org.az