Türkdilli sahibkarlar üçün ortaq biznes portalı yaradıldı

Türkdilli Dövlətlərin Əməkdaşlıq Şurasına üzv dövlətlərin kiçik və orta biznes nümayəndələri arasında fiziki, bürokratik və ünsiyyət maneələrinin aradan qaldırılması məqsədilə “Turkic Business Portal” istifadəyə verildi. Bu qurumda ölkəmizi təmsil edən Azərbaycan Sahibkarlar Konfederasiyasıdır.

Konfederasiya olaraq, Azərbaycan sahibkarlarının bu portalda fəal iştirak etməsinə nail olmaq məqsədilə üzvlərlə ciddi iş aparılır.

Vurğulamaq istərdik ki, bu platforma heç bir vasitəçi olmadan KOB-lar arasında sürətli əlaqə yaratmağa və hazırda mövcud olan vahid veb-portal çərçivəsində müxtəlif mənbələr arasında bölüşdürülən məlumat, ticarət potensialı və fəaliyyətləri toplamağa imkan verəcəkdir. Bu yolla Türk Şurasına üzv dövlətlərin sahibkarları arasında ünsiyyətin asanlaşdırılması və müvafiq məlumatların mərkəzləşdirilmiş qaydada alınması təmin ediləcək. Nəticə etibarilə ölkələrimiz arasında ticarət əlaqələrinin sürətinin və həcminin artmasına böyük kömək edəcəkdir.

Portala daxil olmaq üçün bu linkə keçid edin: http://www.turkicbusiness.com/default_eng.asp