ASK “Gələcəyin sahibkarı” mövzusunda yazı müsabiqəsi elan edir: Son müraciət tarixi 25 may 2021
Azərbaycan Sahibkarlar Konfederasiyası 1 iyun “Uşaqların Beynəlxalq Müdafiəsi günü” münasibəti ilə uşaqlararası yazı müsabiqəsi elan edir.
Müsabiqədə 8-11, 12-15 yaş arası bütün uşaqlar iştirak edə bilərlər.
Müsabiqəyə təqdim edilməli olan yazının mövzusu aşağıdakı kimidir:
“Gələcəyin sahibkarı”
Müsabiqənin məqsədi:
Sahibkarlığın təbliği;
Erkən yaşlarda sahibkarlıq nədir anlayışının formalaşdırılması;
Uşaqları gələcəkdə sahibkar olmağa ruhlandırmaq;
Mükafat fondu:
1-ci yer – 200 AZN dəyərində hədiyyə
2-ci yer – 150 AZN dəyərində hədiyyə
3-cü yer – 100 AZN dəyərində hədiyyə
Müsabiqənin şərtləri:
Müsabiqədə iştirak etmək istəyənlər 8-11, 12-15 yaş arası olmalıdırlar;
Bir uşaq yalnız bir məqalə ilə müsabiqədə iştirak edə bilər;
Yazıya qarşı olan tələblər:
Yazı “Arial” yazı şriftində, 12 punto ölçüsündə, A4 formatlı səhifədə yazılmalıdır;
Yazının həcmi 3000-6000 işarədən (boşluqlar nəzərə alınmadan) çox olmamalıdır;
Müraciət:
Hazırlanan yazılar 25 may 2021-ci il tarixinə qədər aşağıda göstərilənlərlə birlikdə sahibkar@ask.org.az elektron-poçt ünvanına, məktubun mövzusunda “MÜSABİQƏ” qeyd edilməklə göndərilməlidir:
Şəxsiyyət vəsiqəsinin surəti;
Oxuduğu məktəb və sinif;
Ev və ya mobil telefonu;
Qeyd: Təqdim edilmiş yazılar şərtlərə uyğun olmadıqda müsabiqəyə buraxılmayacaqdır.
Müsabiqənin qalibləri 1 iyun 2021-ci il tarixində elan ediləcəkdir.