Azərbaycanın Ticarət Nümayəndəliyində işgüzar görüş keçirilib

Sentyabrın 14-də İstanbulda keçirilən “#TürkDünyasıBiznesForumu”nun iştirakçıları Azərbaycanın Ticarət Nümayəndəliyi ilə görüş keçiriblər. Görüşdə Türk Ticarət və Sənaye Palataları Birliyinin rəhbəri Rıfat Hısarcıklıoğlu, İqtisadiyyat nazirinin müavini Elnur Əliyev, Azərbaycanın Ticarət Nümayəndəsi Tamerlan Tağıyev və Azərbaycan Sahibkarlar Konfederasiyasının prezidenti Məmməd Musayev iştirak ediblər. Sonra ölkələrimiz arasında qarşılıqlı investisiya qoyuluşları, birgə müəssisələrin yaradılması və digər mövzularda maraqlı olan iş adamları birgə müzakirələrə qatılıblar.
Azərbaycan Ticarət Nümayəndəliyinin fəaliyyəti və ölkələrimizin investisiya imkanları barədə geniş fikir mübadiləsi aparılıb.