Azərbaycan sahibkarları adından cənab prezident İlham Əliyevə təbrik ünvanı
Azərbaycan Respublikasının Prezidenti,
Zati Aliləri cənab İlham Əliyevə
Möhtərəm Cənab Prezident !
Ölkədə uğurla həyata kecirdiyiniz daxili və xarici siyasəti bəyənən, daim dəstəkləyən Аzərbaycan Respublikası Sahibkarlar (İşəgötürənlər) Тəşkilatları Мilli Коnfederasiyası ölkə sahibkarlarının yekdil iradəsini ifadə edərək, Sizi 60 illik yubileyiniz münasibəti ilə səmimi qəlbdən təbrik edərək, Sizə doğma Аzərbaycanımızın inkişafı və tərəqqisi naminə fədakar əməyinizdə müvəffəqiyyətlər arzulayırıq.
Siz bu gün nəinki milyonlarla azərbaycanlının, eləcə də bütün türk dünyasının fəxr etdiyi görkəmli siyasi xadim kimi ötən 200 illik tariximizdə Azərbaycan torpaqlarını işğaldan azad edən ilk fateh dövlət başçısısınız.
Türkdilli Dövlətlərin Əməkdaşlıq Şurasının 8-ci Zirvə Görüşündə Sizin haqqınızda səslənən fikirlər, habelə Türk Dünyasının Ali Ordeni ilə təltif edilməyiniz Azərbaycan xalqına və onun rəhbərinə verilmiş ən böyük dəyər kimi qiymətləndirilməlidir.
Sizin rəhbərliyiniz altında müəyyənləşdirilmiş iqtisadi strategiya ölkədə iqtisadi islahatların hüquqi bazasının təkmilləşdirilməsində, iş adamlarının hüquqi və qanuni mənafelərinin qorunmasında, koronavirus pandemiyası dövrünün çətinlikləri fonunda sahibkarlığın inkişafında mühüm rol oynayır.
Azərbaycan Prezidenti olduğunuz müddətdə, uğurla həyata keçirdiyiniz islahatlar nəticəsində ölkə iqtisadiyyatı bir neçə dəfə artmış, Azərbaycan iqtisadiyyatı bölgənin ən qüdrətli iqtisadiyyatına malik ölkəyə çevrilmiş, nəticədə Azərbaycan xalqının, xüsusilə də şəhid ailələrinin və qazilərin sosial müdafiəsinin gücləndirilməsi istiqamətində ciddi irəliləyişlərə nail olunmuşdur.
Möhtərəm Cənab Prezident !
Azərbaycan sahibkarları son on səkkiz il ərzində ölkədə görülmüş işlərə yüksək qiymət verərək, Sizi bir daha 60 illik yubileyiniz münasibətilə səmimi qəlbdən təbrik edir, müstəqil, demokratik Azərbaycanın daha da möhkəmlənməsi, xalqımızın xoşbəxt gələcəyi naminə yorulmaz fəaliyyətinizdə uğurlar arzulayırlar !
Hörmətlə,
coxminlik Azərbaycan sahibkarları adından,
Аzərbaycan Respublikası
Sahibkarlar (İşəgötürənlər) Тəşkilatları
Мilli Коnfederasiyasının Prezidenti Məmməd Musayev
24.12.2021