Doğu Anadolu İxracatçılar Birliyinin üzvlərindən ibarət  nümayəndə heyəti Azərbaycan Respublikası Sahibkarlar (İşəgötürənlər) Təşkilatları Milli Konfederasiyasında  olublar.

Görüşdə Azərbaycan Sahibkarlar Konfederasiyasının Baş Katibi əvəzi Kristina Məmmədova  Konfederasiya haqqında ətraflı məlumat verərək, daha sonra ölkəmizdə yaradılan əlverişli investisiya  mühiti barədə söhbət açıb.

Doğu Anadolu İxracatçılar Birliyinin  idarə heyətinin üzvü Ethem Tanrıver bildirib ki, 17 ildir fəaliyyət göstərən, hal-hazırda  3.2 milyard ixracat dövriyyəsi olan Doğu Anadolu İxracatçılar Birliyinin 3500 üzvü var. Doğu Anadolu İxracatçılar Birliyinin əsas məqsədi üzv təşkilatların istehsal etdiyi məhsulları  mövcud bazarlarda tanıtmaq, onların  ixracat potensiallarını artırmaqdır. Nümayəndə heyətinin ölkəmizdə səfərinin əsas məqsədi  tikinti  sahəsində  ciddi bazar araşdırmaları aparmaq, birgə əməkdaşlıq üçün müxtəlif şirkətlərlə görüşməkdir.

Görüş daha sonra nümayəndə heyətinin təqdimatı və maraq duğuran sualları cavablandırmaqla davam edib.