Türkiyə Respublikasının Azərbaycandakı Fövqaladə və Səlahiyyətli səfiri  cənab Alper Çoşkunun Azərbaycanda  diplomatik fəaliyyətinin başa  çatması ilə əlaqədar  Azərbaycan Respublikası Sahibkarlar (İşəgötürənlər) Təşkilatları Milli Konfederasiyasında vida mərasimi keçirilib.

Görüş zamanı Azərbaycan və Türkiyə arasında bütün sahələrdə əlaqələrin  daha da genişləndirilməsini vurğulayan Məmməd Musayev iqtisadi sahədə mövcud əməkdaşlığı da xüsusilə yüksək qiymətləndirib. Qeyd olunub ki, bugünədək qardaş ölkə ilə əlaqələrin təşkilində  və inkişafında qardaş ölkənin Azərbaycanda fəaliyyət göstərən səfirlərinin xüsusi rolu var. O, azərbaycanlı iş adamlarının mütamadi olaraq Türkiyədə təşkil edilən sərgilərə, konfranslara  dəvət almasında səfirliyin rolunun danılmaz olduğunu da istisna etməyib.

Səfir Alper Coşqun Azərbaycanda diplomatik fəaliyyətinin uğurla həyata keçirilməsi zamanı iki ölkənin iş adamları arasında əməkdaşlıq əlaqələrinin qurulmasında   göstərilən dəstəyə görə təşəkkürünü bildirib. 4 il ölkəmizdə fəaliyyət göstərən səfir bildirib ki, bu müddət ərzində  vəzifəsini icra etməklə  yanaşı, qəlbində  Azərbaycana böyük hörmət və məhəbbət hissi formalaşıb.

Daha sonra Məmməd Musayev  səfir Alper Çoşquna iki ölkə arasında  iqtisadi əlaqələrin inkişafına verdiyi töhfəsinə görə minnətdarlığını ifadə edib və ona gələcək diplomatik fəaliyyətində uğurlar arzulayıb.

Görüş zamanı diplomatik fəaliyyəti başa  çatan Alper Çoşkun  Azərbaycan və Türkiyə Respublikası  arasında uğurlu əlaqələrin, iş adamlarının qarşılıqlı əməkdaşlığına əsaslanan biznes münasibətlərinin təşkili və inkişafındakı xidmətlərinə görə Azərbaycan Sahibkarlar Konfederasiyasının Fəxri fərmanı ilə təltif edilibvə hədiyyə verilib.

Səfir Alper Coşqun  diqqət və qayğıya görə təşəkkürünü bildirib.