21-22 noyabr 2017-ci il tarixlərində Beynəlxalq Əmək Təşkilatının dəstəyi, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının təşkilatçılığı ilə “Əməyin mühafizəsi sahəsində işəgötürənlərin rolu” adlı təlim-seminar keçiriləcəkdir. Təlim əməyin mühafizəsi və təhlükəsiz əmək şəratinin yaradılmasında işəgötürənlərin rolu və onların əmək müfəttişləri ilə bu sahədə əməkdaşlığı mövzusunda olacaqdır. Təlimin məqsədi sahibkarlıq subyektlərinin əməyin mühafizəsi sahəsində bilik və bacarıqlarının artırılması və yaxşı təcrübələrin öyrənilməsidir. Təlimdə müəssisələrin insan resurları şöbəsinin və əməyin mühafizəsi xidmətinin mütəxəssislərinin iştirakı məqsədəuyğundur.

Təlimçi qismində Beynəlxalq Əmək Təşkilatının Əməyin mühafizəsi sahəsində eksperti Valentin Mokanu çıxış edəcəkdir.

Tədbirdə Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin əməkdaşları da sahibkarları maraqlandıran sualları cavablandıracaqlar.

Tədbirdə iştirak üçün qeyd olunan https://ask10.typeform.com/to/f77oM8linkdə qeydiyyatdan keçməyiniz mütləqdir. İştirakçı sayı məhduddur.

Son qeydiyyat tarixi: 15.11.2017

Sizi sözügedən tədbirdə iştirak etməyə dəvət edirik.

 

Tarix:  21-22 noyabr 2017-ci il, saat 09.30

Yer:    Bakı şəhəri, “Hyatt Regency” hoteli, Şuşa zalı

 

Əlaqələndirici şəxs:

Elmira Balıyeva                                                                  Əli Hüseynov

Tel: 465 72 42, 465 72 43                                                  Tel: 465 72 42, 465 72 43

Email: Ebalıyeva@ask.org.az