Hörmətli sahibkarlar!

   İqtisadi Resursların Öyrənilməsi İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Regionlarda sahibkarların biznes imkanlarının genişləndirilməsi üçün tədbirlərin təşkili” layihəsini icra edir.

Layihənin həyata keçirilməsində başlıca məqsəd sahibkarlar arasında birgə biznes modelini aşılamaq yolu ilə onlarda müstəqil şəkildə sərmayəçilərlə birbaşa əməkdaşlıq etmək qabiliyyətinin formalaşdırılmasına nail olmaqdır.

Layihə çərçivəsində Lənkəran və Zaqatalada fəaliyyət göstərən sahibkarlar üçün 21 və 28 sentyabr 2018-ci ildə təlim və debatlar keçiriləcək.

Təlim saat 10:00-dan 16:00-a kimi davam edəcək. Təlimlərdə birgə biznes modelinin mahiyyəti, üstünlükləri, formaları, qanunvericilikdə əsası, uçotu, hesabatının təşkili istiqamətlərində mühazirələr təşkil olunacaq.

Sizi həmin təlimlərdə iştirak etməyə dəvət edirik.

 Əlaqələndirici şəxs:

Nurlana Həsənova

(+994 12) 465 72 42 (daxili 112)

nhasanova@ask.org.az