ASK “Gənclər üçün Əmək Yarmarkası – 2019″da iştirak etdi

İyunun 10-da Dövlət İqtisad Universitetində “Gənclər üçün Əmək Yarmarkası – 2019” keçirilib.
Əmək yarmarkasında xeyli sayda Azərbaycanda fəaliyyət göstərən şirkətlər iştirak edib. Azərbaycan Sahibkarlar Konfederasiyası sərgidə öz stendi ilə təmsil olunub.

Burada tələbələrə karyera və təcrübə imkanları haqqında geniş məlumat verilib. Tələbələr xüsusən də təcrübə proqramına böyük maraq göstəriblər.

Azərbaycan Sahibkarlar Konfederasiyasının təqdim etdiyi üç aylıq təcrübə proqramı özündə bir sıra bacarıqların öyrədilməsini əhatə edir. Belə ki, tələbələr ofisdə işləmə, kargüzarlıq, tədbir təşkilatçılığı, korporativ yazışma mədəniyyəti haqqında bilik və təcrübə qazanırlar.

Eyni zamanda işə qəbul üçün müraciət formasının hazırlanması və təcrübəçilərin özünün təklif etdiyi mövzularda treninqlər keçirilir.