30 avqust 2018-ci il  tarixdə “AzerGold” Qapalı Səhmdar Cəmiyyətinin inzibati binasında Azərbaycan Respublikası Sahibkarlar (İşəgötürənlər)  Təşkilatları Milli Konfederasiyasının vitse-prezidenti Vüqar  Zeynalov  və ASK-nın baş katibi əvəzi Kristina Məmmədova  “AzerGold” QSC-nin İdarə Heyətinin sədri  Zakir  İbrahimovla görüş  keçiriblər. Görüşdə iki təşkilat  arasında əməkdaşlığın müxtəlif istiqamətlərinə dair bir çox məsələlər müzakirə olunub.

Azərbaycan Sahibkarlar Konfederasiyası haqqında məlumat verən  Vüqar  Zeynalov daha sonra Konfederasiyanın həyata keçirdiyi layihələr və beynəlxalq əməkdaşlıq imkanlarının üstünlükləri  barədə  danışıb. ASK-nın tərkibində fəaliyyət göstərən komissiyalarının sayının artırılmasını, gələcəkdə mədən işçilərini təmsil edən bir komissiyanın təsis edilməsinin də faydalı ola biləcəyini qeyd edib. Bu sahədə  “AzerGold” QSC ilə əməkdaşlığın daha yaxından qurulmasını təklif edib.

“AzerGold” QSC-nin İdarə Heyətinin sədri  Zakir  İbrahimov təşkilatın iş prinsipləri və maraqlı olduqları istiqamətlər haqqında məlumat verib.

Görüşdə  həmçinin əmək münasibətləri, peşə təhsilində işəgötürənlərin rolu, korporativ sosial məsuliyyət, təcrübə mübadiləsi və s. kimi məsələlər ətrafında  fikir mübadiləsi aparılıb.