Şanxay Əməkdaşlıq Təşkilatının (ŞƏT) üzv ölkələrinin Maliyyə-Bank Assosiasiyası Beynəlxalq İqtisadi Senatı (Berlin ş., Almaniya) və Rusiya Sənayeçilər və Sahibkarlar İttifaqı ilə birgə ŞƏT İşgüzar Klubunun dəstəyi ilə 4 dekabr 2015-ci il tarixdə Moskva şəhərində “Avrasiya İqtisadi Birliyinin Avropa təcrübəsi və qlobal çağırışlar kontekstində perspektivləri” başlıqlı  II Moskva Beynəlxalq Maliyyə İqtisadi Forumunu təşkil edir.

Ötən ilin dekabrında keçirilmiş ilk forum Avropa və Asiyanın aparıcı iqtisadi-maliyyə institutları tərəfindən dəstəklənmiş, onun işində dünyanın 23 ölkəsindən 120-dən çox iştirakçı bir araya gətirilmiş, Avrasiya İqtisadi İttifaqının (Aİİ) yaradılması və Avrasiya İnteqrasiyası problemləri ilə əlaqəli məsələlərin müzakirəsi üçün önəmli platform rolunu oynamışdır.

II Moskva Beynəlxalq Forumunda müzakirə olunacaq məsələlər sırasında Avrasiya inteqrasiyasının iqtisadi aspektləri, Aİİ ölkələrinin milli qanunvericiliklərinin unifikasiyası problemləri, biznesin maraqları naminə vahid informasiya bazasının yaradılması kimi məsələləri göstərmək olar. Diskussiyaların önəmli hissəsini iqtisadi artımın təmin edilməsi üçün Avropa və Asiya dövlətləri arasında əməkdaşlıq əlaqələrinin bərpası və möhkəmləndirilməsi məsələsindən ibarət olacaqdır.

Forumda Aİİ və AB-nə daxil olan ölkələrin bank, gömrük logistik və sığorta icmasının, investisiya və bank strukturlarının təmsilçiləri, iqtisadi yönümlü beynəlxalq institutların, maliyyə birliklərinin, xarici şirkətlərin nümayəndələrinin, maliyyə-iqtisadiyyat sahəsində beynəlxalq ekspertlərin iştirakı gözlənilir.

Tədbirdə Almaniya və digər əməkdaşlıqda maraqlı olan ölkələrin iş adamlarının da iştirakı planlaşdırılır.

Tədbirdə Azərbaycan Respublikasının da bir neçə kommersiya strukturu nümayəndələrinin də iştirakı xahiş edilir. Onlara öz layihələri üzrə çıxış imkanı da təqdim ediləcəkdir.

Tədbirdə qeydiyyat rüsumu bir nəfər üçün 150 avrodur. Əlaqə koordinatları: +7 (495) 663 02 13, +7 (495) 663 02 08, +7 (495) 663 02 19, office@fbaes.com, sgk@fbaes.com, roa@fbaes.com, əlavə məlumat www.fbaes.com səhifəsində yerləşdiriləcəkdir.