Elan

Azərbaycan Respublikasının İqtisadiyyat və Sənaye Nazirliyi
Bakı Biznes Tədris Mərkəzi

“Azərbaycan Respublikasında biznesin idarə olunması sahəsində kadrların ixtisasının artırılması üzrə Almaniya-Azərbaycan ikitərəfli Proqramı” çərçivəsində müxtəlif ölkələrin sahibkarlarının daxil olduğu beynəlxalq qrupların tərkibində sahibkarların və menecerlərin Almaniyada “İqtisadi kooperasiya” üzrə 1 ay müddətində ixtisasartırma kurslarında iştirakı məqsədilə

MÜSABİQƏ ELAN EDİR

Proqramın məqsədi Azərbaycandan olan şirkət nümayəndələrinin Almaniyada ixtisasartırma kursu keçməsinə, onların beynəlxalq təcrübəyə yiyələnməsinə, alman şirkətləri ilə birbaşa iqtisadi əlaqələrinin qurulmasına, peşəkar və mədəni dünyagörüşün genişlənməsinə şərait yaratmaqdır.
Namizədlərə aşağıdakı tələblər irəli sürülür:

• Ali təhsil (bakalavr və ya magistr dərəcəsi);
• Menecment sahəsində azı 1 il iş təcrübəsi;
• Yaşı 45-dən çox olmamalı;
• İngilis və ya rus dilini bilməli (Proqramın dilindən asılı olaraq).

İxtisasartırma kurslarının aşağıdakı sahələrdə və müddətlərdə keçirilməsi nəzərdə tutulur:

• Səhiyyə sahəsində iqtisadi kooperasiya – 2015-ci il (rus dilində);
• Səhiyyə sahəsində iqtisadi kooperasiya – 2015-ci il (ingilis dilində);
• Mənzil-kommunal təsərüfatının mühəndislik infrastrukturları və tullantıların zərərsizləşdi-rilməsi, ətraf mühitin mühafizəsi texnologiyaları sahələrində iqtisadi kooperasiya- 2015-ci il (rus dilində);
• Sənayedə enerji səmərəliliyi sahəsində iqtisadi kooperasiya – 2015-2016-ci il (ingilis və rus dillərində);
• Kənd təsərrüfatı sahəsində iqtisadi kooperasiya – 2015-2016-cı illər (rus dilində).

Almaniyada keçiriləcək ixtisasartırma kursu aşağıdakı mərhələlərdən ibarətdir:
1. Treninqlər (praktiki idarəetmə vərdişlərinin qazanılması);

2. Şirkətlərdə praktiki təcrübə (qrup və ya fərdi halda təcrübə keçmək, işgüzar əlaqələr yaratmaq).
İxtisasartırma kursları zamanı Almaniyada qalmaq xərclərini və təhsil haqqının ödənilməsini alman tərəfi öz öhdəsinə götürür. Yol xərci iştirakçıların təmsil etdiyi təşkilat və ya namizədlər tərəfindən ödənilir.
2014-cü ilin oktyabr ayında Almaniyanın Beynəlxalq Əməkdaşlıq Cəmiyyətinin (GİZ) mütəxəssislərinin iştirakı ilə namizədlərin seçilməsi üzrə müsabiqə keçiriləcəkdir.

Namizədlər aşağıdakı formaları (iki nüsxədən ibarət) tələb olunan qaydada doldurmalı və qeyd olunan ünvana şəxsən təqdim etməlidirlər:

• Namizəd haqqında məlumat – ingilis dilində (Candidate Profile)
• Namizəd haqqında məlumat – rus dilində (Candidate Profile)
• Zəmanət məktubu (Letter of Refrence)
• Vəzifəsi göstərilməklə iş yerindən təşkilat rəhbəri tərəfindən təsdiq olunmuş arayış.

Formaları Bakı Biznes Tədris Mərkəzinin saytından əldə etmək mümkündür:www.bbtc.gov.az

Sənədlər 2014-cü il oktyabr ayının 28-dək aşağıdakı ünvanda qəbul ediləcəkdir:

Bakı şəh., A.M.Şərifzadə küçəsi, 172, 4-cü mərtəbə, İqtisadiyyat və Sənaye Nazirliyinin Bakı Biznes Tədris Mərkəzi, Tədrisin təşkili və metodikası şöbəsi.

Əlaqələndirici şəxs: Məlahət Kazımova

Tel: (012) 431-39-07, 430-93-22, E-mail: info@bbtc.gov.az

İqtisadiyyat və Sənaye Nazirliyinin Bakı Biznes Tədris Mərkəzi