İslam Ticarət və İnkişaf Palatasının Baş katibi Yusif Həsən Xələvi Azərbaycana işgüzar səfər etdi
Səfər çərçivəsində İslam Ticarət və İnkişaf Palatasının dəstəyi, Azərbaycan Sahibkarlar Konfederasiyasının və KOBİA-nın təşkilatçılığı ilə Bakıda keçirilməsi nəzərdə tutulan “Dayanıqlı kənd təsərrüfatı forumu”nun keçirilməsi ilə əlaqədar bir sıra təşkilati məsələlər müzakirə edilib.
İllik əsasda keçirilməsi planlaşdırılan bu beynəlxalq forumun məqsədi Bakını İslam Əməkdaşlıq Təşkilatında Dayanıqlı Kənd Təsərrüfatının paytaxtı kimi təqdim etmək, Azərbaycanda və bütün İslam Əməkdaşlıq Təşkilatı dünyasında Dayanıqlı Kənd Təsərrüfatı sahəsində investisiya imkanlarını təşviq etmək üçün daimi mexanizm yaratmaq və İslam Əməkdaşlıq Təşkilatı sistemi çərçivəsində, eləcə də Azərbaycan və dünyanın qalan hissəsi arasında ticarət əlaqələrinin qurulmasına, eləcə də sahibkarların və Kiçik və Orta Müəssisələrin gücləndirilməsinə töhfə verməkdir.
Forum dayanıqlı kənd təsərrüfatı sahəsində ən yaxşı təcrübələri və innovasiyaları və bunun iqlim dəyişikliyinə uyğunlaşma və təsirlərin azaldılması səylərinə böyük təsirini bölüşmək üçün qlobal platforma yaradacaq, bu da iqlimə davamlılığa töhfə vermək, istixana qazları emissiyalarını azaltmaq və bütün dünyada dayanıqlı inkişafı dəstəkləməkdir.
İslam Ticarət və İnkişaf Palatasının Baş katibi Yusif Həsən Xələvi Azərbaycan Sahibkarlar Konfederasiyasının prezidenti Məmməd Musayev arasında keçirilən görüşdə sözügedən təşkilatla Konfederasiya arasında inkişaf edən əməkdaşlıq əlaqələri ətraflı müzakirə edilib. 2024-cü ilin yanvarında müqəddəs Məkkə şəhərində keçirilən “Halal Forum”da Azərbaycan stendinin uğurlu fəaliyyətinə toxunulub.
Qeyd edək ki, İslam Ticarət və İnkişaf Palatası hazırda 57 üzv ölkə ilə təmsil olunur. Üzv ölkələrin ərazisi 31.8 milyon kvadrat kilometrdən çoxdur. Dünyanın quru sahəsinin 6.2%-i bu dövlətlərin payına düşür.
Üzv ölkələrin əhalisi 1 milyard 900 milyon nəfərdən çoxdur, bu isə dünya əhalisinin 23.8%-i deməkdir.
Palataya üzv ölkələrin ümumi daxili məhsulunun həcmi 9 trilyon dollardan çoxdur. Bu isə qlobal ümumi daxili məhsulun 9%-ni təşkil edir.
