10 noyabr 2017-ci  ildə Ukrayna Respublikasının paytaxtı  Kiyev şəhərində Sənayeçilərin və Sahibkarların  Ukrayna İttifaqının növbədənkənar 15-ci qurultayı keçirilmişdir.

Qurultayda Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının  prezidenti Məmməd Musayevin rəhbərliyi və iştirakı  ilə  baş məsləhətçisi Məhəmmədəli Əfəndiyev və ASK-nın Ukraynadakı nümayəndəsi Əli Əliyevdən ibarət nümayəndə heyəti  iştirak ediblər.

Qurultayda  ölkədə baş verən sosial iqtisadi vəziyyətin təhlili həyata keçirilmiş, sənaye potensialı, investisiya imkanları, sahibkarların hüquq və maraqlarının müdafiəsi məsələləri muzakirə edilmişdir.

Qurultayda 2017-2018-ci illər ərzində Ukrayna Respublikasında anti-böhran  proqramının həyata keçirilməsi ilə bağlı məsələlər təhlil edilib.

Qeyd edək ki, tədbirdə müxtəlif  ölkələrdən rəsmi şəxlərlə yanaşı, özəl sektorun təmsilçiləri də iştirak ediblər.