Azərbaycan Respublikasının Qida Təhlükəsizliyi Agentliyinin və Azərbaycan Qida Təhlükəsizliyi İnstitutunun birgə təşkilatçılığı ilə 17 may 2019-cu il tarixində JW Marriott Abşeron hotelində ölkəmizdə 2-ci Bakı Beynəlxalq Qida Təhlükəsizliyi Konfransı keçiriləcəkdir.

Adıçəkilən konfransda qida təhlükəsizliyi sahəsində fəaliyyət göstərən subyektlərin vəzifələri, qida təhlükəsizliyində heyvanların identifikasiya sistemi, HACCP (risk təhlili analizi və kritik nöqtələrə nəzarət) sisteminin qida təhlükəsizliyi sahəsində fəaliyyət göstərən subyektlər tərəfindən tətbiqi və Kodeks Alimentarius standartları və digər məsələlər üzrə yerli və xarici dövlət qurumlarının, özəl şirkətlərin, qeyri-hökumət təşkilatlarının, assosiasiyaların, eləcə də beynəlxalq təşkilatların nümayəndələrinin iştirakı ilə təqdimatlar keçiriləcək və müzakirələr aparılacaqdır.