Kənd təsərrüfatı sahəsində fəaliyyət göstərən sahibkarların nəzərinə!

16-18 may tarixlərində Bakı Expo Mərkəzində keçiriləcək Caspian Agro – 12-ci Beynəlxalq Kənd Təsərrüfatı Sərgisi çərçivəsində 16 may tarixində saat 14:00-da Hollandiyanın Azərbaycandakı səfirliyi tərəfindən “Hollandiyanın Azərbaycanda kənd təsərrüfatı sektorunun inkişafına verə biləcəyi töhvələr” mövzusunda seminar təşkil olunacaq.

Seminar zamanı Azərbaycan-Hollandiya Bizness Mərkəzinin himayəsi ilə Hollandiyanın Wageningen Universitetinin apardığı tədqiqat nəticəsində ərsəyə gələn “Kənd Təsərrüfatı üzrə Baş Plan”ın (Master Plan) geniş təqdimatı olacaq, eyni zamanda bir neçə holland şirkəti Azərbaycanda kənd təsərrüfatının inkişafı ilə bağlı öz baxışlarını təqdim edəcək. Seminarda Hollandiyanın Azərbaycandakı səfiri cənab Onno Kervers iştirak edəcək. Seminara kənd təsərrüfatı və qida sahəsində fəaliyyət göstərən sahibkarlar dəvət olunur.