Hörmətli sahibkarlar!

Bildiyimiz kimi, son qlobal maliyyə böhranından sonra dünya müstəvisində baş verən dəyişikliklər, post-böhran dövründə dünyada gedən gərgin iqtisadi proseslər Azərbaycan iqtisadiyyatına da təsirsiz ötüşməmişdir. 2008-ci ildən başlanan beynəlxalq maliyyə-iqtisadi böhranı Azərbaycanı ciddi sınağa çəkmiş, lakin, Hökumət uyğun islahatlar və iqtisadi qərarlar verərək Azərbaycanın cari maliyyə böhranından daha az zərər çəkməsi üçün bir sıra addımlar atmışdır.

•       Son 25 ildə dəyişiklikləri sürətləndirən nədir?
•     Ətrafımızda baş verən geriliklərin səbəbi nədir?
•     Butün bunlara nə vaxt son qoyulacaq?
•     Neftin qiyməti niyə düşür?
•     EURO/DOLLAR  pariteti (bərabərliyi)1 ildə niyə 30 faiz gerilədi?
•     Son 25 ildə dəyişən vəziyyətin şirkətlərimizə təsiri necə olacaq?(dəyər və faiz ilə bağlı təsirlər)
•     Qlobal İqtisadiyyat niyə inkişaf etmiş ölkələrdən inkişaf etməkdə olan ölkələrə yönəlir?

Bu suallara biz “Rönesans” İnkişaf və İdarəçilik Elmləri İnstitutunun direktoru Canip Altay və Nədim Narlı ilə birgə cavab tapacağıq.

Məlumat üçün bildiririk ki, “Rönesans” İnkişaf və İdarəçilik Elmləri İnstitutu Türkiyədə ilk sertifikat proqramlarını həyata keçirən qurumdur. 10 ildir fəaliyyət göstərən “Rönesans” İnkişaf və İdarəçilik Elmləri İnstitutu təşkilatların, şirkətlərin hər cür təşkilati, həmçinin,  təhsillə bağlı müraciətlərini nəzərə alaraq və dünya standartlarına uyğun təlimlər keçirir. “Rönesans” İnkişaf və İdarəçilik Elmləri İnstitutu Türkiyədə bu xidmətləri göstərən tək qurumdur.

Beləliklə, Azərbaycan Sahibkarlar Konfederasiyası (ASK) Sizi 3 aprel 2015-ci il tarixində PAŞA Bankın dəstəyi ilə təşkil olunan “Böhran yeni imkanlar yaradır” adlı seminara dəvət edir.

Tədbir “Four Seasons” otelinin Rast zalında (Ünvan: Neftçilər pr-ti 77/79) saat 09:00-15:00-a dək davam edəcəkdir. Qeydiyyat saat 08:30-da başlayacaqdır.

Sözügedən tədbirdə iştirak edəcəyiniz təqdirdə şirkətinizi təmsil edəcək şəxsin adını, soyadını, vəzifəsini və əlaqə telefonunu qısa müddət ərzində ASK-ya bildirmənizi xahiş edirik.

         Əlaqələndirici şəxs: Nurlana Həsənova

         Tel: (012) 465 72 42/43

         E-mail: nhasanova@ask.org.az