Azərbaycan  Respublikası Sahibkarlar (İşəgötürənlər) Təşkilatları Milli Konfederasiyasının prezidenti  Məmməd Musayevinin rəhbərliyi ilə ASK-nın nümayəndə heyəti Almaniyanın paytaxtı Berlin şəhərində  keçirilən Almaniya –Azərbaycan Biznes Forumunda  iştirak edib.

Biznes Forum ölkə Prezidenti cənab İlham Əliyevin Almaniya Federativ Respublikasına rəsmi səfəri çərçivəsində keçirilmişdir. Cari ilin iyun ayının 7-də Berlin şəhərində Almaniya Federal İqtisadiyyat və Enerji Nazirliyində  Almaniya –Azərbaycan Biznes Forumu  hər iki tərəfi təmsil edən çoxsaylı şirkətlətlərin iştirakı ilə keçirilmişdir. Azərbaycan iqtisadiyyatının müxtəlif sahələrini təmsil edən 60-dan çox şirkətin nümayəndəsi bu forumda iştirak edirdi.

Forumu giriş sözü ilə Almaniyanın Federal İqtisadiyyat və Enerji Naziri cənab Siqmar Qabriel açaraq Zati-aliləri Prezident İlham Əliyevi və forumda iştirak edən çaxsaylı Azərbaycan nümayəndə heyətini salamlayaraq son illər Azərbaycan və Almaniya iqtisadi əlaqələri barədə məlumat vermişdir. Prezident İlham Əliyev forum iştirakçılarını salamlayaraq Azərbaycan iqtisadiyyatının prioritet sahələri və gələcək əməkdaşlıq üçün perspektivləri barədə iştirakçılara ətraflı məlumat verərək forum iştirakçılarına uğurlar arzulamışdır. Salamlama nitqləri ilə  Alman İqtisadiyyatının Şərq Komitəsinin sədri  Klaus Şafer, Alman-Azərbaycan Xarici Ticarət palatasının sədri  Samir Axundov da  səmərəli görüşlərin keçirilməsinə ehtiyac olduğunu  qonaqların diqqətinə çatdırmışdır.

Salamlama nitqlərindən sonra, Anlaşma Memorandumlarının imzalanması baş tutub.

Azərbaycan Respublikası Sahibkarlar (İşəgötürənlər) Təşkilatları Milli Konfederasiyası ilə Almaniyanın Bildunqsverk der Virşaft şirkəti arasında Azərbaycanda peşə təhsilinin inkişafına dair memorandum imzanaıb. Memorandumu  ASK-nın prezidenti Məmməd Musayev və Nortmetal Şirkətinin Sədri  Ledel imzaladılar.

Sonradan keçirilən iki panel sessiyalarında hər iki tərəfi təmsil edən müxtəlif şirkətlərinin nümayəndələri təqdimatlarla çıxış ediblər.  Biznes Forumun sonunda ikitərəfli görüşlər keçirilib.