29 may – 1 iyun 2018-ci il tarixlərində Belarus Respublikasının paytaxtı Minsk şəhərində Belarus sənaye forumu keçiriləcəkdir.
Forumda dövlət qurumları, Belarus Respublikasının Sənaye Müəssisələrinin Respublika Assosiasiyası (“BelAPP”) iştirak edəcəklər. Forumun məqsədi rəqabətədavamlı yüksək texnologiya məhsullarının istehsalını genişləndirilməsi istiqamətində yeni elmi texnologiya və avadanlıqların tətbiqi, beynəlxalq əməkdaşlığın inkişafı və investisiyaların cəlb olunması məsələlərində müəssisə və təşkilatlara dəstək olmaqdır
Belarus 2018 sənaye forumunun proqramı:
• “TexİnnoProm” 21-ci beynəlxalq texnologiya və sənayedə innovasiya sərgisi;
• “Belarus – Qərblə Şərqin inteqrasiya olunduğu məkan. Respublikanın sənaye potensialının gələcək inkişafı” adlı plenar iclas;
• İnnovasiya layihələri sərgisi;
• “Texnologiya. Avadanlıq. Keyfiyyət” beynəlxalq simpozium;
• “Belarus Respublikasında” additiv texnologiyaların inkişaf perspektivləri” mövzusunda beynəlxalq elmi-praktiki simpozium;
• “Elm və sənaye – innovativ əməkdaşlığın strategiyası” mövzusunda kooperasiya birjası;
• Sənayedə submüqavilə üzrə birja
• Sərgi iştirakçıları tərəfindən seminar və təqdimatlar
• Belaruslu və beynəlxalq qaynaqçılar arasında yarış
Əlavə məlumatı expoforum.by saytından və +375 17 290 02 54 nömrəli telefon nömrəsinə zəng etməklə əltə etmək olar.