Azərbaycan Həmkarlar İttifaqları Konfederasiyası (AHiK) Beynəlxalq Əmək Təşkilatı (BƏT) ilə birlikdə 6 may 2019-cu il tarixində saat 10:00-da “Hyatt Regency” otelinin Quba zalında “BƏT-in 100 illiyi” mövzusunda konfrans keçirəcəkdir.

Qeyd edək ki, bu il dünyanın ən nüfuzlu beynəlxalq qurumlarından biri olan Beynəlxalq Əmək Təşkilatının 100 illik yubileyi qeyd edilir. Yubileylə bağlı ona üzv olan və əməkdaşlıq edən dövlətlər və təşkilatlar tərəfindən yubiley tədbirləri – təntənəli yığıncaqlar, konfranslar, seminarlar və digər tədbirlər keçirilir. Azərbaycan Həmkarlar İttifaqları Konfederasiyası da 1992-ci ildən Azərbaycan Respublikasının hökuməti ilə birlikdə BƏT-lə uğurla əməkdaşlıq edərək yubiley münasibətilə bir sıra tədbirlərin keçirilməsini nəzərdə tutmuşdur.