Azərbaycan Sahibkarlar Konfederasiyası (ASK) 1 iyun “Uşaqların Beynəlxalq Müdafiəsi Günü” münasibətilə uşaqlar arasında “Gələcəyin sahibkarı” mövzusunda yazı müsabiqəsi elan edir.

Müsabiqə Azərbaycanda sahibkarlığın təbliği, erkən yaşlarda sahibkarlıq anlayışının formalaşdırılması, uşaqları gələcəkdə sahibkar olmağa ruhlandırmaq məqsədi daşıyır.

Müsabiqənin şərtləri barədə 21 may 2020-ci il tarixində saat 15:00-da ASK-nın baş katibinin müavini Nərmin Qəniyeva Azərbaycan Sahibkarlar Konfederasiyasının facebook səhifəsi üzərindən baş tutacaq canlı yayımda ətraflı danışacaq.