Təlimin adı: “Sağlam və təhlükəsiz əməyin əsasları”

İştirak üçün: Əməyin mühafizəsi sahəsinə maraqlı olan hər kəs dəvətlidir (İngilis və rus dillərindən birini bilmək üstünlükdür )

Son müraciət tarixi: 9 noyabr 2017-ci il

Azərbaycan Sahibkarlar Konfederasiyası Beynəlxalq Əmək Təşkilatının dəstəyi və  ixtisaslaşmış ekspertlərinin iştirakı ilə əmək mühafizəsi mütəxəssisləri üçün “Sağlam və təhlükəsiz əməyin əsasları” adlı təlimi elan edir.

 Əməyin mühafizəsi:

Əməyin mühafizəsi qanunvericiliklə tənzimlənən, istehsalatda bədbəxt hadisələrin və qəzaların profilaktikasında həlledici mövqeyə malik bir sahədir.

AR Əmək Məcəlləsinin 233-cü maddəsinə əsasən, işəgötürənlərin vəzifələri:

• iqtisadiyyatın bütün sahələrinin müəssisələrində işçilərin sayı əlli nəfərdən çox olduqda əməyin mühafizəsi xidmətləri yaratmaq;
• Əməyin mühafizəsi üzrə mütəxəssislərin, mühəndislərin səriştələrinin, bilik və bacarıqlarının artırılmasının təşkili və s.

Həmçinin, transmilli korporasiyalarla əməkdaşlıq edən və ixracla məşğul olan şirkətlər üçün xarici tərəfdaşları tərəfindən irəli sürülən əsas tələblərdən biri məhz müəssisədaxili güclü əməyin mühafizəsi xidmətinin olmasıdır.

Sözügedən təlimdə, iştirakçılar əməyin mühafizəsinin təşkilinə dair bilik və bacarıqlarının artırılması ilə yanaşı, təqdim edilmiş sertifikatlar əasında gələcəkdə öz iş yerlərində və ya müxtəlif platformalarda bu sahə üzrə  təlim keçə bilmək, monitorinq apara bilmək imkanlarına malik olacaqlar.

Təlim Beynəlxlaq Əmək Təşkilatının əməyin mühafisəzi sahəsində beynəlxalq eksperti Roman Litvyakov tərəfindən aparılacaqdır. 

Təlim 2 mərhələdən ibarət olacaqdır: Distant və əyani 

Birinci mərhələ: 13 noyabr – 08 dekabr 2017-ci il (4 həftə); həftədə 3-4 saat olmaqla

Distant təlim BƏT-in Beynəlxalq Təlim Mərkəzinin elektron platformasının üzərindən aparılacaq, iştirakçılara istifadəçi adı və şifrə veriləcəkdir.

İkinci mərhələ: 11 – 14 dekabr 2017-ci il tarixlərində  4 gün ərzində 09:00-dan 17:00-a qədər intensiv təlim keçiriləcəkdir.

Təlim materialları və distant təlim iştirakçıların seçimi əsasında  ingilis və ya rus dillərində olacaqdır.Üzbəüz təlimdə azərbaycan dilinə sinxron tərcümə təmin olunacaqdır.

Nailiyyət sertifikatı:

Təlim əmək münasibətləri sahəsində Birləşmiş Millətlər Təşkilatının ixtisaslaşmış qurumu olan Beynəlxalq Əmək Təşkilatının təlimçiləri tərəfindən həyata keçiriləcək və təlimi müvəffəqiyyətlə başa vuran şəxslərə BƏT tərəfindən təlimçi sertifikatları təqdim ediləcəkdir.

 Yekun imtahan tarixi: 14 dekabr 2017-ci il

 Təlim xərcləri: Təlimdə iştirak ödənişsizdir. Təlim materialları və günorta  yeməkləri təşkilatçılar tərəfindən qarşılanacaqdır.

İştirak üçün yerlər məhduddur. İştirakçıların seçimi zamanı mövzu üzrə təcrübəli şəxslərə üstünlük veriləcəkdir.

Qeydiyyatdan keçmək üçün:  https://ask10.typeform.com/to/m7skh5

Qeyd: Təlimə seçilmiş şəxslər üçün ehtiyac yarandığı təqdirdə  ASK tərəfindən işəgötürənlərə  təlimə dəvət məktubları göndəriləcək

Əlaqə:  Xəqan Hümmətzadə: +99450 5227268,  xhummatzade@ask.org.az;

Elmira Balıyeva:  +99450 3990477,  ebaliyeva@ask.org.az

.